TV LIVE Radio
Nga Rajoni
19 qershor 2021
Ahmeti: Institucionet duhet të punojnë vazhdimisht në infrastrukturë që të zvogëlohen mundësitë për vërshime

Njohësi i çështjeve të emergjencave dhe njëherësh Drejtor Ekzekutiv i Qendrës Kërkimore për Politika të Sigurisë, Tahir Ahmeti ka thënë se institucionet e Kosovës duhet të punojnë në përmirësimin e infrastrukturës nëntokësore në vendet urbane, në mënyrë që të zvogëlohen mundësitë e vërshimeve.

Përmes një postimi në Facebook, Ahmeti ka thënë se vërshimet e sotme në Prishtinë, hyjnë në kategorinë e përmbytjeve të shpejta, që mund të shkaktojnë dëme në fusha bujqësore e ekonomi familjare.

 

“Shiu i rrëmbyeshëm që ra sot në Prishtinë, vërshoi pjesë të mëdha të qytetit dhe fshatrave përreth. Këto vërshime hyjnë në kategorinë e përmbytjeve të shpejta, dhe mund të shkaktojnë dëme në fusha bujqësore apo në ekonomi familjare dhe biznesore.

 

Ahmeti shtoi se është evidente që sa herë që ka reshje më të theksuara po shkaktohen vërshime.

“Institucionet përgjegjëse si ato lokale ashtu edhe ato qendrore, duhet që në vazhdimësi të punojnë në rregullimin e shtretërve të lumenjve, kanaleve të hapura dhe përroskave, si dhe në përmirësimin e infrastrukturës nëntokësore në vendet urbane, në mënyrë që të zvogëlohet mundësia e vërshimeve dhe dëmet e mundshme të jenë sa më të vogla”, shkruan ai.



Të ndryshme
Më shumë
A do të jetë PDK-ja pjesë e Qeverisë Hoti? 6 tetor 2020
Thirrje për unifikimin e partive shqiptare20 korrik 2020
Gjatë një muaji shfrytëzohen 431 mijë ton qymyr, thuajse vetëm për prodhimin e energjisë elektrike26 qershor 2021

Radio Uskana - LIVE
Për ty Kosovë - Dani, Buraku, Valoni, Gjoni, Osmani