TV LIVE Radio
Nga Vendi
3 nntor 2021
Athina zyrtare: Nuk ka hyrje në BE pa emrin e ri Maqedonia e Veriut

Pas mesazhit të djeshëm të ministrit të Jashtëm grek, Nikos Dendias se marrëveshjet duhen respektuar pavarësisht nga qeveritë, sot në Parlamentin grek iu drejtua ministri alternativ i Punëve të Jashtme të Greqisë, Militiadis Varvatsiotis. Mesazhi është i qartë – Shkupi të mos e kthejë retorikën nacionaliste, përndryshe Greqia do të bëhet pengesë për hyrjen e Maqedonisë në BE.

“Më duhet të pranoj sa vijon: jemi shumë të shqetësuar për zhvillimet në Maqedoninë e Veriut. Kthimi i retorikës nacionaliste nga fqinjët tanë do të na çojë në thelb të ripërcaktojmë pozicionin tonë kombëtar në mbështetje të procesit të zgjerimit. Sepse një nga parakushtet e forta të vendosura në kornizën negociuese është zbatimi konsekuent dhe korrekt i të gjitha dispozitave të Marrëveshjes së Prespës”, tha Varvatsiotis.

 

Politikanët grekë e quajnë stuhi politike situatën në Maqedoni dhe për ta është e pasigurt se si do të zbatohet marrëveshja e nënshkruar nga Dimitrov dhe Kotzias, nëse do të ketë një qeveri të re të udhëhequr nga OBRM-PDUKM.

Mickoski sot sërish preciz, do ta ndryshojë realitetin e Marrëveshjes së Prespës kur të vijë në pushtet.



Të ndryshme
Më shumë
Zaev në Brdo: Nëse deklaratat e BE-së nuk përkthehen në vepra, zhgënjimi do të jetë i madh 6 tetor 2021
Agim Ademi: Në Shkup jemi vetëm për fitore – lojtarët luajnë për flamurin dhe stemën 7 tetor 2020
Çelja e negociatave, sprova e kryesisë gjermane të BE18 nntor 2020

Radio Uskana - LIVE
07 Dafina Zeqiri ft Elinel Ma tmir mka bo Nana Official Audio