TV LIVE Radio
Nga Vendi
25 nntor 2021
Covid-19, Evropa në valën e pestë të virusit

Rastet me Covid-19 vazhdojnë të jenë në rritje në vendet e Europës. Shumë prej këtyre shteteve po përpiqen të frenojnë infektimet ditore përmes bllokimeve dhe me vëmendje të shtuar tek nxitja për t’u vaksinuar.

Gjermania ka shënuar një rekord të zymtë pasi shifrat janë të frikshme. Gjatë 24 orëve të fundit janë shënuar 351 viktima ,duke e çuar numrin total të tyre në 100,119 viktima. Në Europë, Gjermania bëhet vendi i pestë që kalon bilancin tragjik, pas Rusisë, Mbretërisë së Bashkuar, Italisë dhe Francës.

Edhe në Francë situata vijon të përkeqësohet për shkak të rritjes së rasteve të reja. Ky vend është gjithashtu një nga vendet më të goditura, ku së fundmi ka regjistruar më shumë se 30 mijë raste te reja.

Ministri i Shëndetësisë, Olivier Véran, shpalli masa të reja në lidhje me dozat përforcuese, kufizimeve të reja si dhe ndryshimet në pasaportën shëndetësore.

“Rastet e reja me COVID-19 paraqesin rritje shumë të ndjeshme, gjë që dëshmon se për fat të keq jemi në valën e pestë të epidemisë. Për këtë arsye jemi të detyruar të shtrëngojmë masat që të mos humbim më shumë jetë. Gjashtë milionë të rritur janë ende të pavaksinuar dhe ky numër  është “shumë” i lartë.”,- tha ministri i shëndetësisë franceze, Olivier Véran.

Ndërkohë javën e ardhshme në Holandë do të bëhet e detyrueshme distanca sociale. Greqia dhe Italia kanë vendosur të ndëshkojnë të pavaksinuarit me ashpërsimin e masave për ta. Agjencia Europiane e Barnave  ka autorizuar vaksinën e Pfizer/BioNTech kundër koronavirusit për fëmijët e moshës 5-11 vjeç. Sipas EMA,  rekomandohet që doza e vaksinës të jetë më e ulët se ajo që u jepet personave  mbi 12 vjeç.  Disa vende europiane si Danimarka, Franca, Spanja, Italia dhe Polonia kanë nisur vaksinimin e grupmoshës nga 12-17 vjeç me vaksinat nga Pfizer dhe Moderna. Objektivat OBSH-së janë që të vaksinohet 40% e popullsisë së çdo vendi deri në fund të vitit 2021 dhe 70% deri në mesin e 2022.



Të ndryshme
Më shumë
Fillon mbledhja e nënshkrimeve për referendum kundër librave digjital në Maqedoni25 maj 2021
Qeveria u mundësoi fermerëve të lëvizin gjatë orës policore 6 prill 2021
Gazetari austriak: Njëri nga sulmuesit ka rrënjë shqiptare nga Maqedonia e Veriut 3 nntor 2020

Radio Uskana - LIVE
Capital T - BRAZILIANE 🇧🇷