Kryetari i Bashkimit Demokratik për Integrim poashtu arkitekti i Frontit Europian Ali Ahmeti sot ka vizituar varrin e dëshmorit Luan Haradinaj. Në një postim në rrjetet sociale ai shkruan:

”26 vite pa Luanin, mall e krenari ma përshkon shpirtin kur kujtoj atdhedashurinë dhe guximin e tij djaloshar në betejat për lirinë e Kosovës.

Sot për të nderuar kujtimin mbi trimërinë e Luanit me bashkëveprimtarë vizitova Kompleksin Memorial “Dëshmorët e Kombit” në Gllogjan dhe me vëllain e tij, Ramushin që vëllazërisht na mirëpriti kujtuam heroizmin e Luanit dhe çastet jetike të veprimit tonë kombëtar nën amblemën e UÇK-së.

E njoha në lule të rinisë, të gatshëm të japë gjithçka nga vetja për të shpëtuar atdheun e tij nga kthetrat e robërisë.

Shpirti i Luanit ishte aty me ne, në çdo betejë të rradhës si kushtrim e amanet lirie, frymëzim veprimi e mosdorëzimi.

Liria dhe pavarësia e Kosovës mbajnë vulën e trimërisë së Luanit dhe të gjithë bijve e bijave që me gjakun e tyre ujitën rrënjët e përjetësisë sonë kombëtare.

Lavdi e përjetshme Luan Haradinajt dhe të gjithë dëshmorëve të kombit!”