TV LIVE Radio
Kuriozitete
20 nntor 2020
Stella dhe Sani – njihuni me karakteret e parë në 3D animacion në gjuhën shqipe

Në prag të Ditës së Alfabetit shpaloset videoja e parë 3D kushtuar alfabetit shqip për të gjithë fëmijët
Stella dhe Sani janë heronjtë e animacioneve të para 3D në gjuhën shqipe dhe kanë për qëllim edukimin e më të rinjve duke krijuar material me cilësie të lartë, me çka do afirmohet gjuha amtare, si dhe do të zhvillohet imagjinata fëmijërore me muzikë dhe lojëra adekuate për moshën e tyre.
Ky projekt vjen në momentin e duhur, kur imagjinata e lirë e fëmijëve dhe padyshim edhe e të rriturve, është më e nevojshme se kurrë dhe është kyçe për zhvillimin e fëmijës në ato vite jashtëzakonisht të rëndësishme.
Projekti shpaloset në prag të Ditës së Alfabetit, 22 nëntor, me një video origjinale e cila pritet të jetë kënga e preferuar e çdo fatosi.
“E pritëm këtë datë për të filluar projektin Stella dhe Sani që nisma të ketë jehonë edhe më të madhe dhe Dita e Alfabetit në vitin 2020 të festohet me një këngë dhe video të veçantë për shkronjat tona të arta. Përpos kësaj video, në vijim do ketë edhe video të tjera që përfshijnë: mësimin për kafshët, nxitja e shprehive për higjienë personale dhe rruajtjen e mjedisit jetësor, shoqëri dhe bashkëjetesë multietnike, tolerancë dhe miqësi, mësim i ngjyrave, sendeve, rrethinës etj. – shprehet Bleta Begu, një nga udhëheqëset e projektit.
Videon e parë për shkronjat e gjuhës shqipe mund ta shikoni në kanalin e YouTube të “Stella dhe Sani”.



Të ndryshme
Më shumë
Rexhepi: Janë regjistruar edhe 5 Bashkësi të reja Islame! 25 shkurt 2021
Në repartet infektive në Maqedoni mjekohen 675 pacientë me COVID-1926 shkurt 2021
‘Kemi vetëm 48 orë kohë’, ministri italian bën paralajmërimin e fortë 2 nntor 2020

Radio Uskana - LIVE
Vullnet Ibraimi ft. Daniel Mustafa - Eja me henen