TV LIVE Radio
Nga Rajoni
29 mars 2021
Albin Kurti merr vaksinën antiCOVID: Ftoj të gjithë qytetarët të vaksinohen

Kryeministri i Kosovës, Albin Kurti është deklaruar për media pasi ka marrë vaksinën kundër coronavirusit.

Kurti ka ftuar qytetarët që të vaksinohen.

 

“Si kryeministër i Kosovës, nuk jam këtu që të shfrytëzojë privilegjin për të marrë vaksinën i pari, por që t’i inkurajojë të gjithë qytetarët që të vaksinohen, meqenëse mbrëmë kanë ardhur kontingjenti i parë kundër virusit COVID-19. Do të kemi dhe vaksina tjera, do të përpiqemi maksimalisht që sa më shpejtë sa më shumë qytetarë të vaksinohen”, u shpreh Kurti.

Kurti tha se vaksinimi është i nevojshëm.

“Dhe me shembullin tim, dua të ju them të gjithë qytetarëve të vaksinohen dhe të heqin dilemat. Vaksinimi është i nevojshëm pasi që përballemi me një pandemi të vështirë”, u shpreh ai.

Gjithashtu, Kurti ka kërkuar nga qytetarët që të mbajnë maskat dhe të respektojnë masat kundër virusit.

Kryeministri i Kosovës, Albin Kurti para pak çastesh ka marrë vaksinën AstraZeneca – Oxford COVID-19.

Vaksinimi i Kurtit është bërë në sallën e sporteve “1 Tetori”,  në Prishtinë.

Pas Kurtit, vaksinën e ka marrë edhe Isme Humolli, zyrtare profesionale e emergjencave e Organizatës Botërore të Shëndetësisë (OBSH) në Kosovë.



Të ndryshme
Më shumë
Ambasadorja Çitaku dorëzon medaljen e “Urdhrit të Lirisë” në Shtëpinë e Bardhë 5 tetor 2020
Hashim Thaçi dhe Kadri Veseli mirëpresin në takim reperin Mozzik – pranojnë dhuratë albumin “Mozzart”20 gusht 2020
Hyseni sot udhëton për takime në SHBA 1 gusht 2020

Radio Uskana - LIVE
USKANA LAJME 14.04.2021