TV LIVE Radio
Nga Vendi
7 dhjetor 2021
Bekteshi: U bëj thirrje qytetarëve të denoncojnë parregullsitë me çmimet te numri 191

Ministri i Ekonomisë, Kreshnik Bekteshi u bën thirrje qytetarëve që të paraqesin parregullsitë me çmimet te tregtarët.

“U bëj thirrje qytetarëve që në rast të rritjes drastike të çmimeve të produkteve ushqimore bazë, të lajmërohen në numrin pa pagesë 191 të Inspektoratit Shtetëror të Tregut”, u shpreh Bekteshi.

 

Në këtë linjë telefonike pa pagesë, shprehet Bekteshi, të gjithë qytetarët mund të raportojnë parregullsi të tregtarëve të cilët nuk e respektojnë Vendimin për ngrirjen e çmimeve të produkteve ushqimore bazë.

Kujtojmë se në bazë të Vendimit të shpallur në Gazetën Zyrtare, duke filluar nga data 06.12.2021, ngrihen çmimet e aplikuara më 01.12.2021 në tregtinë me shumicë dhe pakicë të: bukës, sheqerit, miellit – tip 400, vajit të lulediellit për gatim, qumështit të freskët me yndyrë prej 2,8%, 3,2% dhe 3,5%, mishit dhe produkteve të mishit dhe djathit dhe gjizës.



Të ndryshme
Më shumë
Djegia e kontejnerit në kampin e refugjatëve në Mitrovicë, lëndohen shtatë azilantë28 janar 2021
Rama flet për objektivin e Shqipërisë për Covid-19: Objektivi ynë është që të mos mbyllemi në dimër10 tetor 2020
Tragjedia, familjarët kërkojnë përgjegjësi 4 dhjetor 2021

Radio Uskana - LIVE
07 Dafina Zeqiri ft Elinel Ma tmir mka bo Nana Official Audio