TV LIVE Radio
Nga Vendi
7 dhjetor 2021
Carovska: Me kualifikim dhe rikualifikim drejt mundësive më të mëdha për punësim

 Rikualifikimi dhe kualifikimi mundësojnë fitimin e shpejtë të aftësive dhe njohurive ndërsa me këtë edhe aftësimin për profesione për të cilat ka nevojë në tregun e punës. Në kushte të ndryshimeve shoqërore intensive, këto forma të mësimit janë kryesore për rritjen e mundësive të punësimit dhe drejtpërdrejtë ndikojnë mbi rritjen ekonomike, potencialin dhe konkurrencën e ekonomive lokale. Kryqi i kuq i Republikës së Maqedonisë së Veriut përmes Qendrës për trajnime për të rritur me kualifikimet dhe rikualifikimet me programe të verifikuara do të kontribuojë për sigurimin e kuadrit deficitar, siç janë kujdestarët në kushte shtëpie, kujdestarë të kujdesit paliativ dhe për sëmundjen e alzhajmerit si edhe asistentë personalë, tha ministrja e Arsimit dhe Shkencës, Milla Carovska në ngjarjen me rastin e hapjes së qendrës së parë të këtij lloji në Shkup.

 

Më gëzon, theksoi ajo, që kemi qendër edukative për trajnime për të rritur e cila është e pajisur sipas standardeve botërore, që do të jetë shembull në rajon.

“Përmes trajnimeve të verifikuara, kjo Qendër edukative do të sigurojë kuadër për mbështetjen e bashkësive lokale dhe qytetarëve të cilëve u nevojitet kujdes”, tha ministrja Carovska, duke shtuar se rrjeti i qendrave për trajnim duhet të përhapet edhe në komunat e tjera në shtet, që t’u mundësohet qytetarëve qasje më e lehtë në trajnimet.

Ajo informoi edhe për ndryshimet dhe plotësimet e Ligjit për arsimin e të rriturve i cili është në procedurë kuvendore dhe me të cilin bëhen ndryshime thelbësore në organizimin dhe menaxhimin e sistemit të arsimit të të rriturve.

“Ju bëj thirrje deputetëve ta votojnë rregullativën ligjore me të cilën thjeshtësohen proceset për verifikimin e programeve për trajnimin, me çka e lehtësojmë punën e Qendrave për trajnimin e të rriturve”, tha ministrja.

Rregullativa e re do ta lehtësojë procesin e verifikimit të programeve të veçanta edhe të institucioneve për arsimin e të rriturve, që në tërësi kalojnë në kompetencë të Qendrës për arsimimin e të rriturve, vetë procedura e verifikimit përshpejtohet dhe do të zgjasë më së shumti 30 ditë.



Të ndryshme
Më shumë
Shkencëtarët australianë gjejnë një mënyrë të re për të identifikuar njerëzit me koronavirus13 dhjetor 2020
Prokuroria Speciale shenjëstron dy raste të krimeve të rënda “Nomada” dhe “Crystal Eagle”15 shtator 2021
A do të shtyhet fillimi i gjysmë vjetorit të dytë shkollor, ky është lajmi i fundit17 janar 2022

Radio Uskana - LIVE
Ezo Menic Marak Official Video