TV LIVE Radio
Sport
7 janar 2022
Zyrtare, Trippier bëhet transferimi i parë i Newcastle United

Klubi anglez me pronarët më të pasur në botë Newcastle United ka konfirmuar sot transferimin e mbrojtësit të krahut të djathtë Kieran Trippier nga kampioni spanjoll Atletico Madrid.Mbrojtësi 31 vjeçar ka arritur marrëveshje personale me klubin anglez për dy vite e gjysmë, dhe bëhet transferimi i parë nën drejtimin e pronarëve të rinj dhe trajnerit Eddie Howe.Trippier arrin në stadiumin “St. James Park” pas dy vite e gjysmë të suksesshme në Spanjë, ku së fundmi e fitoi edhe titullin e La Ligas me Atletico Madridin.

“Jam tejet i lumtur që i bashkohem këtij klubi fantastik. Më pëlqeu koha ime në Madrid, por kur e kuptova që ka interesim nga Newcastle United, dhe që kam punuar me Eddie Howe në të kaluarën, e dija që ky është vendi ku dua të jem”, tha Trippier.

“Mezi pres t’ia fillojë kësaj aventure, dhe jam tejet i emocionuar të zbres në stadiumin ‘St. James Park’ si lojtar i Newcastle”, shtoi mbrojtësi anglez.Në korrik të vitit 2019, Trippier kaloi nga skuadra e Tottenham drejt Atletico Madridit, ku u bë lojtari i parë anglez i klubit spanjoll pas 95 vitesh, kështu duke e ndihmuar Atleticon sezonin e kaluar që ta ngritë titullin e kampionit në La Liga.



Të ndryshme
Më shumë
Arkin Jahiji zyrtarizohet si kandidat i BDI-së për komunën e Bërvenicës25 gusht 2021
Linda Hakaj sjell ripërpunimin e këngës së njohur “Mërgim” të Ramadan Krasniqit10 qershor 2020
Grubi priti ambasadorin e Kosovës, Dedaj27 janar 2021

Radio Uskana - LIVE
Yll Limani Lshoja Zanin - 1080p