Rixhil Agushi, politikane e re socialdemokrate me prejardhje shqiptare nga Maqedonia e Veriut, e propozuar nga grupi parlamentar i SP-së, më datë 08.04.2024 zgjidhet Presidente e Parlamentit Komunal në qytetin e Schlirenit, ku gjatë votimit nga gjithësej 33 vota ka arritur të marrë 29 vota.
Gjatë prezantimit të kandidaturës së znj. Rixhil Agushi, kryetari i grupit parlamentar të SP, z. Thierry Lustenberger, vlerësoi lartë personalitetin, kontributin dhe përkushtimin e saj në jetën politike dhe shoqërore. Gjithashtu për punën dhe veprimtarinë e saj politike foli edhe presidentja në largim znj. Olivia Boccali nga partia Die Mitte. Ajo në fund pasiqë i urojë shëndet dhe shumë suksese potencoi se pasusja e saj si një person me bagazh të madh intelektual shquhet për vendosshmërinë e saj në angazhimet që i merr.
Znj. Agushi, është politikanja e parë me prejardhje shqiptare e zgjedhur si kryetare e parlamentit komunale në qytetin e Schlirenit. Që në fillim të kycjes së saj në politikë është anëtare e partisë Socialdemokrate (SP). Nga viti 2011 është anëtare e parlamentit komunal në qytetin e Schlirenit, ku ka qenë edhe anëtare në shumë komisione parlamentare, ndërsa gjatë viteve 2020-2021 ka qenë bashkëpresidente e partisë Socialdemokrate (SP) për qytetin e Schlirenit.
Rixhil Agushi është e lindur në vitin 1986 në Tetovë, e martuar me arkitektin e mirënjohur në Zvicër, Muhamed Agushin nga fshati Tearcë, ku së bashku janë sipërmarës të suksesëshëm në fushën e arkitekturës dhe patundëshmërisë. Është nënë e dy vajzave, Linës dhe Sarës.