Lidhur me marrëdhëniet me Turqinë, Mitsotakis bëri gjithashtu të qartë se nuk diskutohet për një zgjidhje paketë. Ai theksoi se Greqia nuk i harron mosmarrëveshjet e saj me Turqinë.

Kryeministri grek, Kyriakos Mitsotakis i ka dërguar një tjetër mesazh politkës në Maqedoninë e Veriut teksa kujtoi angazhimet e këtij shteti në kuadër të integrimit në BE.

Ai tha se kur dikush e tërheq litarin, duhet të jetë gati dhe të thyhet. Mitsotakis ka shtuar se nëse del nga kursi i rënë dakord, duke nënkuptuar Maqedoninë e Veriut, le ta dijë se do ta gjejë të mbyllur rrugën drejt Europës

“Kur dikush e tërheq litarin, duhet të jetë gati dhe të thyhet. Dhe nëse del nga kursi i rënë dakord, le ta dijë se do ta gjejë të mbyllur rrugën drejt Europës, rrugë e cila kalon nga Greqia dhe respektimi i së drejtës ndërkombëtare”, tha ai.

Lidhur me marrëdhëniet me Turqinë, Mitsotakis bëri gjithashtu të qartë se nuk diskutohet për një zgjidhje paketë. Ai theksoi se Greqia nuk i harron mosmarrëveshjet e saj me Turqinë.

“Dhe për shkak se disa njerëz në Greqi dhe Turqi ushqehen me krizën greko-turke, pyesni kritikët tanë për rezultatet e politikës sonë, të cilët shohin uljen e flukseve të imigracionit. Ose banorët tanë të ishullit që kanë parë rritjen e ekonomive lokale nga vizitorët turq.

Shih edhe pozicionin e Greqisë në kontekstin ndërkombëtar. Konfrontim apo tentativë për të bashkëjetuar me fqinjin tonë kur pak më poshtë Lindja e Mesme është në flakë dhe në zemër të Evropës lufta është ndezur”, deklaron ai.