“Fronti europian po bëhet çdo ditë e më i bashkuar dhe grupi parlamentar mbetet i bashkuar në opozitë”.

Kështu ka deklaruar në një prononcim për Tv Tellma, të cilën e transmeton PRESSonline.al, deputeti i koalicionit Sali Murat.

Ai ka hedhur poshtë sërish të gjitha spekulimet se disa prej deputetëve të “Frontit Europian” do t’i bashkohen koalicionit qeveritare.

Zërat për një gjë të tillë u shfaqën pak javë më parë, kur koalicioni “VLEN” tha se tre deri në katër deputetë të “Frontit Europian” – “me një këmbë” janë tashmë në mazhorancë.(PRESSonline.al)