Deputeti i Frontit Europian, Sadulla Duraku dje në Kuvend tha Marjan Risteski, i propozuar për zv/ministër të Ekonomisë dhe Punës, si ish-kryetar i komunës së Prilepit ka penguar renovimin e xhamisë së vetme në Prilep, përcjell TV21.

“E vërteta tjetër është që Marjan Risteski, kryetar i komunës së Prilepit, nga 2005 deri 2017, nuk ka lejuar që të rinovohet xhamia historike që është e vetmja në Prilep, dhe ju kështu mendoni se RMV-ja është shtet progresiv, multietnik dhe shtet multifetar, kur ndaloni për ndërtimin dhe renovimin e një xhamie historike që është e bërë në Prilep, kurse në vende tjera kjo nuk ndodhë”, deklaroi mes tjerash Duraku.