Gati tridhjetë vjet pas vdekjes së saj tragjike, Princesha Diana vazhdon të mbetet në zemrat dhe mendjet e njerëzve. Një dokumentar i ri po sjell detaje dhe zbulime të reja rreth vdekjes së saj në vitin 1997. Dokumentari i titulluar "Kush e vrau Dianën?" synon të shqyrtojë rrethanat që rrethuan vdekjen e princeshës së ndjerë, e cila humbi jetën në moshën 36-vjeçare.

Sipas burimeve nga "People", ky dokumentar do të eksplorojë ngjarjet dhe teoritë përreth aksidentit që i mori jetën Dianës. Ndërkohë, *Deadline* shton se seriali do të përfshijë intervista të rralla, duke përfshirë edhe takimet e para me disa nga burimet kryesore, për të sjellë një perspektivë të re mbi rastin që ka ngjallur kureshtjen dhe interesin e botës për dekada të tëra.

"Kush e vrau Dianën?" është vetëm kësti i parë i një serie të re dokumentaresh që do të vënë në qendër figura ikonike dhe do të analizojnë "historitë njerëzore dhe kontekstin historik të ngjarjeve të tyre". Ekipi që qëndron pas këtij seriali të ri ka krijuar gjithashtu dokumentarët "Who Killed Jill Dando?" të vitit 2023 dhe "The Mystery of Marilyn Monroe" të vitit 2022 për Netflix.

Ende nuk është shpallur një datë zyrtare e publikimit për "Who Killed Diana?", por është bërë e ditur se dokumentari do të jetë një speciale me tre pjesë.