Kryetari i Bashkisë së Shkodrës Benet Beci shprehet në rrjetet sociale në lidhje me fenomenin e audiolibrit që këtë vit feston përvjetorin e nëntë me protagonist Violeta Volumin.

Shkodra është qyteti jo vetëm i bibliotekës së parë publike në vend, por edhe i audiolibrit të parë në shqip!

Krijuesja e portalit VolumiAudioLibra.com që ofron mundësinë e dëgjimit falas të librave të lexuar, mësuesja në pension, Violeta Volumi, është personazhi i episodit të radhës në "Gjurmë zërash". – shkruan ai.

“Rreth një apo dy vjet para se me dalë në pension më erdhi një dhuratë nga një nip që e kam në Suedi, Ipad i parë. Në këtë Ipad kishte dhe disa libra audio, audiobook dhe më joshën aq shumë sa automatikisht u futa në Internet për ta pa se çfarë ka.

Kërkova në shqip, nuk gjeta absolutisht. Fillun më më dridhë ethet e lindjes së audiolibrit. Edhe në momentin që kam dalë në pension unë mezi po pritsha me u futë më dur e me kambë në këtë aktivitet. » rrëfehet Violeta Volumi. A.K./TemA