Presidenti i zgjedhur i Shteteve të Bashkuara të Amerikës, Donald Trump, ka thënë se ishte “nder” takimi me presidentin e Argjentinës, Javier Milei, në Florida përpara samitit konservator të investimeve, shkruan BBC.

Milei, që ka ideologji politike të njëjtë me republikanin, është lideri i parë i huaj që takohet me Trumpin që nga fitorja në zgjedhjet presidenciale në SHBA më 5 nëntor.

Në resortin Mar-a-Lago të Trumpit të enjten, Milei përgëzoi presidentin e zgjedhur dhe ka thënë se kjo dëshmoi “se forcat e qiellit [ishin] në anën tonë”

Milei pritet të marrë pjesë në Samitin e Investitorëve të Konferencës Konservatore të Veprimit Politik (CPAC) të premten.

“Erërat e lirisë po fryjnë shumë më fortë që nga fitorja e Trumpit”, ka thënë presidenti argjentinas.

Milei lavdëroi gjithashtu Elon Muskun, biznesmenin miliarder që do të drejtojë Departamentin e ri të Efiçencës së Qeverisë së Trumpit, duke pretenduar se rrjeti social “X” po ndihmon të shpëtohet njerëzimi.