Nuk është sekret që sa herë që prezantohet një veturë e re, është më e madhe dhe më e rëndë se paraardhësi i saj.

Prodhuesit e automjeteve zakonisht fajësojnë rregullat më të rrepta të sigurisë dhe nevojën për më shumë teknologji brenda një kabine.

Sido që të jetë, shoferët janë të befasuar me ndryshimin e gjeneratës së Audi S5 të ri, përcjell Telegrafi.

Edhe pse u prezantua në korrik, specifikimet e plota teknike nuk u publikuan deri pak kohë më parë.

Tani kemi mësuar se S5 peshon 1,950 kilogramë, që e bën atë 155 kilogramë më të rëndë se S4 i vjetër.

Audi do të bëjë një tjetër RS5 dhe ka të ngjarë të jetë një hibrid plug-in me gjashtë cilindra për të vazhduar me rregulloret më të rrepta të emetimeve, kështu që pritet edhe më shumë peshë. /telegrafi