Kryetari i parlamentit të Maqedonisë së Veriut, Afrim Gashi gjatë ditës së djeshme ka pritur në takim sekretarin e përgjithshëm të Zyrës për Bashkëpunim Rinor Rajonal (RYCO),Albert Hani me të cilin diskutuan për mundësitë e thellimit të bashkëpunimit dhe mbështetjes për iniciativat rinore në nivel rajonal, shkruan Top24

 “Theksuam rëndësinë e forcimit të lidhjeve mes të rinjve nga vendet e Ballkanit Perëndimor, si dhe nxitjen e programeve që promovojnë paqen, sigurinë, tolerancën dhe bashkëpunimin. Rinia është shpresa në një shoqëri, prandaj shpreha gatishmërinë e plotë për të kontribuar në iniciativat që sjellin përfitime për të rinjtë” tha Gashi.