Ka gazetarë që i kanë dhënë dinjitet profesionit dhe të tjerë që vetëm sa e kanë turpëruar atë.

Prej më shumë se 24 vitesh, jam krenar që kam mbajtur lart dinjitetin e profesionit tim, duke shërbyer si zë i fjalës së lirë, zë i qytetarit, i palëkundur ndaj çdo frikësimi apo tundimi.

Me përkushtim dhe pa frikë nga pasojat, kam qëndruar gjithmonë në anën e së vërtetës. Por, fatkeqësisht, gazetaria jonë është ndotur nga emra të mëdhenj që kanë shitur misionin dhe moralin e këtij profesioni për një vend në tavolinat oligarko-politike.

Për dy dekada ndryshe nga ata, ndoshta kemi mbetur të vegjël, por të ndershëm dhe shumë krenarë.

Por, sado të fuqishëm të duken ata, nuk mund ta blejnë besimin që kemi ndërtuar me lexuesit tanë. Në këtë betejë, modestia jonë ka qenë dhe është forca jonë.

Zëri ynë ka qenë gjithmonë i qytetarit të pakënaqur, i atyre që nuk kishin përfaqësim, në një kohë kur nuk ishin mediat sociale sikur sot.

Në çdo mision tonin fisnik kemi dal ngallnjyes dhe krenarë për arritjet tona në zgjidhjen e një problemi, halli, padrejtësie, diskriminimi, por edhe ana tjetër e situatave të afirmitetit, suksesit apo misioneve dhe kauzave të ndershme!

Shpresh jemi ndjerë të zhgënjyer gjatë karvanit tonë nga disa që bishtëronin, mashtronin apo thenin rrugën, por jemi bërë edhe më të fuqishëm dhe të sprovuar.

Fuqia jonë ka qëndruar te përkrahja e lexuesit besnik. Ata janë arsyeja dhe motivimi i punës dhe këtij rrugëtimi shumë sfidues!