Blerim Sejdiu tha se, VLEN nuk e ka fajin për gjuhën shqipe dhe shtoi se, ishin ata që me mekanizmat e tyre në Qeveri por edhe politike, e ndaluan vendimin e Kushtetueses, përcjell TV21. Sjediu tha se kjo nuk u ndalua nga tendat pasi siç thotë, opozitës nuk i dhimbset aspak gjuha shqipe dhe flamuri.

“Në nuk kemi asnjë faj në këtë drejtim, ne vetëm e bëjmë punën tonë që sot me mekanizmat tonë në Qeveri, edhe politike por edhe institucionale jemi duke e ndaluar një gjë të tillë dhe ia arritëm qëllimit. A ka ndonjë njeri në këtë shtet që mendon se prej tendës është ndalu kjo. Nuk ndalohet atje e as nuk fillohet atje e aa nuk zgjidhet prej atje. Ajo është një keqpërdorim politik për të keqpërdorur edhe ata njerëz që i marrin pas vete për përfitime të tyre. Atyre nuk u dhimbset aspak gjuha shqipe e as flamuri” tha Sejdiu në Daily Click.