Në prezantimin e platformës “Transparent Albani”, kryeministri Edi Rama theksoi se nëpërmjet saj promovohet llogaridhënia dhe ofron informacion të qartë mbi punën e qeverisë.

Gjithashtu Rama shtoi se kjo është një risi shumë rëndësishme për vendin tonë dhe se do të sjellë një nivel të ri transparencës, llogaridhënies si edhe marrëdhënies se shtetit me publikun dhe institucioneve me qytetarin.

“Jam i bindur që do të ketë mësime për të marrë dhe boshllëqe për të përmbushur apo të meta për të korrigjuar rrugës, por s’kam dyshim që me daljen përfundimtare të platformës dhe kur të gjithë ekipet që janë pas ekranit të jenë plotësisht të përgatitur për t’u përgjigjur të gjitha dritareve që do ketë platforma do të jemi në një nivel të ri të transparencë, llogaridhënies se cilësisë së marrëdhënies së shtetit me publikun dhe institucioneve me qytetarin, Ky nivel i ri do të jetë një shtysë e re për të përmirësuar performancën në të gjitha institucionet”, tha Rama.

Më tej kryeministri nënvizoi se kjo platformë do të ndihmojë edhe në luftën kundër dezinformimit, si edhe shtoi se eshte nje urë lidhëse mes qeverisë dhe qytetarit.