Mëngjesin e sotëm, policia ka bërë kontrolle në shtëpinë e ish-zëvendëskryeministrit nga radhët e BDI-së, Artan Grubi dhe tek ish-drejtori i Lotarisë së Maqedonisë, Përparim Bajrami. Burime nga MPB thonë për Alsat-M se, bastisjet janë bërë për dyshime për krim në Lotarinë e Maqedonisë.

Artan Grubi nuk është gjetur në shtëpinë e tij, ku siç dihet tash më ai ndodhet në Kosovë, ku pas njoftimeve të mediave, ai ka theksuar se është për vizitë private dhe do të kthehet përsëri në Maqedoninë e Veriut.

Gjatë kontrollit në shtëpinë e ish-drejtorit të Lotarisë në Maqedonisë, Përparim Bajrami, as ai nuk është gjetur në shtëpi. Për të dyshohet se ka ikur jashtë vendit disa muaj më parë, ndërsa familjarët kanë premtuar se do të kthehet përsëri.

Por siç njoftojnë burime nga MPB, në shtëpinë e ish-drejtorit Përparim Bajrami janë gjetur, 50 mijë franga zvicerane.