Vendimin e Gjykatës Penale që refuzoi kërkesën për rigjykim të rastit “Alfa”, Elmi Aziri nga ASH e quajti vendim fatkeq, që siç tha, duhet të gjendet një formë që të merren parasysh argumentet e ekspertëve të licencuar dhe shtoi se, organet kompetente duhet të merren me ata gjykatës të cilët kanë shpërfillur çdo gjë, përcjell TV21.

“Është vendim fatkeq, nuk e di ku e kanë marrë të drejtën gjykatësit që të refuzojnë ekspertizën e një shtëpie të licencuar. Unë mendoj se organet kompetente duhet të merren me ata gjykatës të cilët kanë shpërfillur çdo gjë. Mendoj se duhet të gjendet forma që kjo lëndë të shkoj në rigjykim dhe të merren parasysh argumentet e ekspertëve të licencuar”, tha Elmi Aziri