TV21: A është opsion braktisja e Qeverisë nëse nuk bëhen ndryshimet Kushtetuese?

Arben Fetai: Nuk dua të futem në parashikime, koalicioni VLEN ka organet koordinuese, kryetarët mblidhen në baza javore për të biseduar politikat e koalicionit VLEN dhe orientimet tona strategjike. Kjo është pjesë e këtyre orientimeve dhe natyrisht ne ua lejmë në dorë kryetarëve që të definojnë hapat e radhës.

TV21: Është dhënë një afat 6 muaj, kur është dhënë afati është thënë se pastaj do ta shqyrtojmë pozicionin tonë në Qeveri? Tani çfarë duhet shqyrtuar kur nuk u bënë ndryshimet Kushtetuese dhe nuk ka sinjal se do të bëhen?

Arben Fetai: Unë besoj se ka sinjale, ka kontakte në nivele të ndryshme. Ne kemi pritur vite me radhë, kujtojmë se BDI dhe LSDM kanë festuar hapjen e negociatave me BE-në që nga viti 2017-18, ky është një proces afatgjatë, në shumë momente kanë gënjyer e kanë shndrruar procesin në fazë. Ne jemi në 6 muajt e parë të qeverisjes dhe sinjali që dha dje doktori Arben Taravari ishte i qartë “do të ulemi do t’i shohim” dhe ju lusim për durim deri pas Vitit të Ri ku besoj kryetarët do të definojnë se çka bëjmë më tutje. Jemi vetëm 6 muaj në Qeverisje na lini pak hapësirë.