Pas 42 viteve punë, sakrificë dhe përkushtim në profesionin e mësimdhënies, duke edukuar e mësuar afër një mijë nxënës të gjeneratave të ndryshme, mësuesja Merheme Mehmedi doli në pension duke i lënë gjeneratat e reja me porosi që ta vazhdojnë rrugën e dijes, e posaçërisht të ushtrojnë një ndër profesionet më të shenjta- mësimdhënien!

Si një ndër arsimtaret e para shqiptare në rrethinën tonë, duke u bërë ballë të gjitha paragjykimeve dhe stereotipeve të asaj kohe, që e preokuponin femrën shqiptare, ajo zgjodhi profesionin arsimtare, që sot të bëhet model i qëndrueshmërisë dhe sakrificës për gjeneratat e ardhshme. 

Mirënjohës pafund punës dhe përkushtimit të arsimtares Merheme!