Pozita e kryetarit të shtetit është ndryshe nga ajo e kryetarit të partisë që lirshëm mund të përfaqësoj interesat e një komunitetit të caktuar. Por, në këtë rast pozita e të parit të shteti është pozitë unifikuese që nuk duhet të krijojë vakum apo dallime mes partive politike e lëre më tek qytetarët. Prandaj, veprimi i presidentes së RMV-së është i nxituar dhe i gabuar nuk guxon assesi të shkaktojë ndarje e diskriminim nga vendi në të cilin ndodhet. Presidenti është përfaqësuesi i shtetit në arenën ndërkombëtare e brenda rajonit, e ju personi që duhet të bllokojë ligje në të cilat përfaqësohen të gjithë qytetarët, shkruan Zhurnal.

Davkova duhet të pendohet ta nënshkruaj sa më parë dekretin –

Presidentja e Maqedonisë së Veriut, Gordana Siljanovska-Davkova nuk e nënshkruan Dekretin i cili parashikon që licencat në çerdhet të jenë në dy gjuhë. Për mos nënshkrimin e Dekretit kanë konfirmuar edhe dy partitë më të mëdha opozitare BDI dhe LSDM.

Nga BDI thonë se është sulm i i koordinuar ndaj gjuhës shqipe dhe të drejtave të shqiptarëve.

“Bashkimi Demokratik për Integrim (BDI) dënon me ashpërsi veton skandaloze të presidentes Gordana Siljanovska-Davkova ndaj dygjuhësisë. Ky është një sulm i hapur ndaj gjuhës shqipe dhe një përpjekje për të minuar të drejtat e hqiptarëve në Maqedoninë e Veriut. Do të përdorim të gjitha mekanizmat politikë dhe juridikë për të ndalur këtë çmenduri antishqiptare. Presidentja dhe kjo qeveri duhet ta dinë një gjë: Shqiptarët nuk do të lejojnë të fshihen! Gjuha jonë është dinjiteti, identiteti dhe e ardhmja jonë – dhe ne do ta mbrojmë me çdo kusht!, thonë nga BDI.

Ndërkaq nga LSDM-ja nëpërmjet një komunikate lëshuar mediave kanë kërkuar që Qeveria të heq dorë plotësisht nga ndryshimet në Ligj, të cilat, sipas tyre, nuk janë kushtetuese dhe janë miratuar në kundërshtim me Rregulloren e Kuvendit”.

“Ne e përshëndesim mos nënshkrimin e Dekretit nga ana e presidentes së shtetit, Gordana Siljanovska-Davkova, me çka hapet kjo mundësi, dhe kërkojmë nga qeveria që të tërhiqet nga synimet për shkak të dispozitave të diskutueshme që përmban. Neni 9 dhe Neni 10 i Projektligjit për ndryshim, i propozuar nga Qeveria, nënkupton futjen e licencave dygjuhëshe në fushën e mbrojtjes së fëmijëve. Është kontestuese se ky segment rregullohet me një ligj tjetër që përcakton përdorimin e gjuhëve, por edhe me Kushtetutën e shtetit.”, thuhet në reagimin e LSDM-së.

Si reaguan nga VLEN kundrejt kësaj situate të re të krijuar e të papritshme?

Koalicioni VLEN si përfaqësues të shqiptarëve në qeveri akoma siduket janë në atmosferë festive dhe nuk kanë paraqitur ndonjë qëndrim kundrejt kësaj situate të re të krijuar. Përjashtuar reagimin e veçuar të ministrit të Politikës Sociale, Demografisë dhe Rinisë, Fatmir Limani i cili përmes një reagimi ka bërë me dije se Çertifikatat për çerdhe do të jenë edhe në gjuhën shqipe se ndryshe nuk bën.

“ÇERTIFIKATAT, për shqiptarët edhe në gjuhën shqipe sepse ndryshe s’bën dhe s’do të bëhet”, shkruan kështu ministri Limani.

Deri në këto momente nuk ka pasur ndonjë qëndrim apo kumtim ndryshe nga koalicioni VLEN të cilët janë përfaqësues të shqiptarëve në këtë përbërje qeveritare. Shqiptarët nuk presin që Davkova të vijë me ide shqiptare por assesi nuk e tolerojnë promovimin e anti-shqiptarizmit nga institucionet e vendit vende që paguhen edhe nga taksapaguesit shqiptarë.

Prandaj, sa më parë që presidentja Davkova të tërhiqet nga kjo mendësi e këto veprime famëkeqe aq më mirë do të jetë për të edhe për vendin. Sepse, edhe vetë presidentja ishte dëshmitare e situatave të krijuara në fundvitin që lamë pas. Pra, ishim në prag të përshkallëzimit të situatës që për të eskaluar edhe në forma më agresive.

E para e shtetit në vend se të kontirbuojë në ruajtjen e qetësisë ajo bëhet nxitëse apo shkaktare për t’i prirë krijimit të tensioneve të mundshme mes shqiptarëve dhe maqedonasve. Nuk duhet assesi që qytetarët të viktimizohen nga veprimet e nxituara e të pamatura të politikanëve që nuk ua duan të mirën as vendit as qytetarëve.

Prandaj, duhet thuhet stop e mjaftë politikave nacionaliste sepse kjo ideologji nuk duhet të përdoret në këtë shekull. Këta politikanë janë të vonuar apo kanë lindur në kohë të gabuar. Tani është koha ku vetëm përmes bashkëpunimit e paqes arrihet progresi e nuk mungon suksesi. /Zhurnal.mk