Qualcomm tha ditën e Mërkure se ka bërë progres të lartë me objektivat e saj të kompjuterëve Snapdragon.

Specifikisht, kompania thotë se ka më shumë se 10 përqind të tregut të gjithë laptopëve Windows shitur në SHBA që kushtojnë më shumë se 800 dollarë.

Edhe pse Qualcomm ka shumë rrugë për të bërë përpara për ti zënë vendin AMD dhe Intel, gjiganti i çipeve mobile ka shënuar sukses. Shefi ekzekutiv i kompanisë Cristiano Amon është shprehur se më shumë se 80 dizajne laptopësh përdorin çipin Snapdragon X Elite dhe variantet e tij ndërsa kompania ka vënë objektiv arritjen e 100 dizajneve përgjatë 2026.

Megjithatë Qualcomm nuk dha shifra konkrete të kompjuterëve të shitur me procesorët e saj por u përqendrua tek ekosistemi i aplikacioneve që po zgjerohet.

Aktualisht mbi 20 aplikacione VPN janë optimizuar për arkitekturën mobile ARM të procesorëve të Qualcomm si dhe 50 aplikacione shumë popullore të sigurisë dhe cloud. Amon tha se edhe 50 aplikacione të tjera AI janë optimizuar për çipet Snapdragon në Windows.

/PCWorld Albanian