Të paktën 47 persona besohet se janë bllokuar pasi një pjesë e një akullnaje u shemb në shtetin indian të Uttarakhand, në Himalaje, njoftuan sot mediat lokale. Incidenti ndodhi pranë një autostrade në lagjen Chamoli të shtetit, më pak se pesë kilometra nga tempulli popullor hindu Badrinath, i cili vizitohet nga qindra mijëra njerëz çdo vit.
Të paktën 57 punëtorë të përfshirë në punimet e ndërtimit të rrugëve në zonë, në kufirin me Tibetin, u bllokuan, tha zyrtari i policisë Niles Anand Bharn për agjencinë e lajmeve ANI, në të cilën Reuters ka një pakicë të aksioneve.
“Nga këta, 10 punëtorë u shpëtuan dhe u transferuan në kampin (që ndodhet) afër (fshatit) Marna në gjendje kritike”, shtoi ai.
Ekipet e shpëtimit po përballen me vështirësi për të arritur në vendin ku besohet se 47 punëtorët janë bllokuar për shkak të reshjeve të dendura të borës, raportoi gjithashtu ANI.
