Kryetari i Komunës së Prizrenit, Shaqir Totaj ka ndarë disa pamje nga shtëpia e Ymer Prizrenit, veprimtarit të shquar të Lëvizjes Kombëtare përkatësisht njërit prej udhëheqësve kryesorë të Lidhjes Shqiptare të Prizrenit.

Totaj ka thënë se kjo shtëpi është me rëndësi të veçantë historike dhe ruan kujtesën e një periudhe të lavdishme të rezistencës shqiptare, raporton Zeri.info.

“Përshëndetje të gjithëve nga shtëpia tradicionale e atdhetarit dhe kryetarit të Qeverisë së Lidhjes Shqiptare të Prizrenit, Ymer ef. Prizreni, që gjendet mu afër Kompleksit Monumental të LSHP-së.

Kjo shtëpi, me rëndësi të veçantë historike, ruan kujtesën e një periudhe të lavdishme të rezistencës shqiptare dhe mbetet një destinacion i rëndësishëm për studiuesit , vizitorët e ata që duan ta njohin nga afër historinë e Lidhjes së Prizrenit dhe kontributin e figurave kryesore të saj”, shkroi ai krahas videos. /Zëri