Egla Ceno rikthehet në “Big Brother VIP”, puth në buzë Laert Vasilin – Sfida që nuk lejon reagime

Spektakli i “Big Brother VIP” vijon me surpriza, dhe mëngjesin e sotëm banorët u përballën me një sfidë të re: të mos reagojnë ndaj provokimeve të Vëllait të Madh.

Në kuadër të kësaj sfide, në shtëpi hyri fituesja e “Big Brother VIP 3”, Egla Ceno, e cila befasoi të gjithë duke patur një moment intim me Laert Vasilin, duke e puthur në buzë, ndërsa ai u përpoq të ruante qetësinë dhe të mos reagonte.

Pas këtij momenti, Egla vijoi vizitën e saj në shtëpi, duke shëtitur në ambientet e njohura për të, përpara se të rikthente një nga ritualet e saj të preferuara nga sezoni i kaluar – një relaksim në vaskë.

Ndërkohë, sfida vijon, dhe mbetet për t’u parë se si do të reagojnë banorët ndaj surprizave të tjera që do të sjellë Vëllai i Madh.