Në vetëm dy vite, 2023 dhe 2024, institucionet shtetërore blenë automjete të reja pasagjerësh për 8.5 milionë euro, disa të blera dhe disa të marra me lizing. Mes tyre janë edhe 45 automjete qeveritare, secila me vlerë 50 mijë euro, të marra me lizing për zyrtarët aktualë, por edhe për ish-kryeministra dhe presidentë.

Vetura më e shtrenjtë e blerë prej 55 mijë eurosh është e Komunës së Shuto Orizarit, ndërsa Komuna e Prilepit ka blerë dhe shkëputur kontratën për një automjet prej 63 mijë euro.

Vlera mesatare e të gjitha automjeteve të blera në dy vitet e fundit është 31.760 euro.

Marka e preferuar e zyrtarëve është Shkoda, nga e cila blihet çdo i treti automjet.

Numri më i madh i automjeteve, 82, janë blerë nga Elektranat e Maqedonisë së Veriut.

Rreth 70% e tenderëve për blerje automjetesh kanë pasur vetëm një ofertë.

Kompanitë Porsche Leasing dhe Automotive Group kanë vlerën më të madhe totale të kontratave të lidhura, secila me rreth 2.8 milionë euro për dy vjet.

I gjithë hulumtimi dhe databaza janë publikuar në këtë link.

Kujtojmë se paraprakisht këtë muaj, organizata joqeveritare Qendra për Komunikime Civile ka zbuluar se Manastiri, Kërçova, Shtipi, Gjorçe Petrovi dhe Kisella Voda dhe Tetova janë komunat në të cilat Agjencia e atëhershme për Rini dhe Sport filloi të ndërtojë pishina, shpenzimet e përgjithshme për të cilat ishin rreth katër milionë euro. Ato duhej të ishin gati për 18 muaj. E ndërtuar dhe e vënë në përdorim është vetëm pishina në Tetovë.

Pishinat e tjera jo vetëm që nuk janë përfunduar, por janë nënshkruar edhe anekse të kontratave që e kanë rritur vlerën e tyre për qindra mijëra euro dhe sërish nuk janë përfunduar.