Moti sot do të jetë me diell dhe i ngrohtë me vranësira të lehta deri në mesatare. Do të fryjë erë mesatare, herë pas here e fortë nga drejtimi jugor  (mbi 60 km/h). Në orët e pasdites dhe të mbrëmjes në pjesët veriperëndimore do të ketë kushte për reshje të dendura shiu dhe bubullima afatshkurtër. Temperaturat minimale do të lëvizin në intervalin prej 5 deri në 11, ndërsa maksimalja do të lëvizë nga 22 deri në 29 gradë Celsius.

Në Shkup moti do të jetë me diell dhe i ngrohtë me vranësira të lehta deri në mesatare. Do të fryjë erë mesatare deri e fortë nga drejtimi jugor. Temperatura minimale do të zbresë deri në 10, ndërsa ajo maksimale do të arrijë deri në 29 gradë.

DPHM paralajmëroi se të dielën do të ketë reshje lokale të shiut, ndërsa të hënën në shumë vende do të ketë mot të paqëndrueshme me reshje të rrëmbyeshme dhe bubullima, të shkurtra në formë stuhie.

Ditën e martë temperatura do të ulet dhe priten reshje lokale shiu, kurse në male dhe vendet më të larta borë. Më pas vijon një periudhë moti stabil me temperatura të ulëta të mëngjesit.