Komisioni Qendror i Zgjedhjeve (KQZ) ka publikuar raportet e paaudituara financiare të partive politike të vitit 2024.

Në një shikim të thjeshtë të të hyrave vjetore, shihet se shumica e partive kryesore në vend kanë pasur rritje të të hyrave, ndërsa nëse i mbledhim të gjitha së bashku, ato kalojnë miliona euro të hyra.

Partia më e madhe në vend Lëvizja Vetëvendosje ka pasur rritjen më të madhe të të hyrave, duke tejkaluar mbi dy milionë euro, shkruan Zeri.info.

Pas saj, radhitet PDK-ja, e cila numëron të hyra mbi një milion euro gjatë vitit 2024, ndërsa LDK-ja ka pasur rënie të të hyrave në krahasim me vitin 2023, por me rritje ka dalë edhe AAK-ja nga viti 2024.

Më poshtë mund të shihni të hyrat e partive kryesore në vend për vitin 2023 dhe 2024:

Lëvizja Vetëvendosje

Viti 2023: 2,000,750 euro

Viti 2024: 2,337,168 euro

PDK-ja

2023 – 951,483 euro

2024- 1,034,134 euro

LDK-ja

2023 - 723,169 euro

2024 – 643,047 euro

AAK-ja

2023 – 280,000 euro

2024 – 325,058 euro.