Një 39-vjeçar dhe dhe një e mitur janë lënduar lehtë pasi një veturë mbrëmë ka dalë nga rruga dhe ka përfunduar në ujërat e lumit Vardar në Tetovë.

Sipas informacioneve nga policia, rasti është raportuar në orën 19:40, se në rrugën lokale për në fshatin Çellopek, afër urës mbi lumin Vardar, një veturë udhëtarësh e tipit “Golf” me targa të Shkupit, e drejtuar nga T.M. (39) nga Tetova, ka dalë nga rruga dhe ka rënë në lumë.
– Si pasojë, lëndime të lehta trupore kanë marrë drejtuesi i mjetit dhe një pasagjere e mitur, të cilat janë konstatuar në Spitalin Klinik të Tetovës, informon MPB.
Në vendin e ngjarjes është kryer ekspertizë nga ekipi hetimor i SPB Tetovë.