Nga Ministria e Punëve të Brendshme njoftojnë se gjatë mbrëmjes së djeshme, është ndaluar një i mitur, pasi i njëjti është kapur duke transportuar ilegalisht 7 emigrantë nga Egjipti, përcjell TV21.

“Më datë 15.04.2025 në ora 20:00 në rrugën në afërsi të urës mbi lumin Sermeninska në fshatin Mrzenci të Gjevgjelisë, zyrtarë policorë nga Stacioni Policor për kontroll dhe vëzhgim kufitar “Bogorodicë” kanë privuar nga liria një të mitur nga Shkupi. Gjatë kontrollit të veturës “Hyundai” që ai po e drejtonte, me targa të Shkupit që i përkisnin një veture tjetër, janë gjetur shtatë emigrantë nga Egjipti. Pasi u pikas nga zyrtarët e policisë, ai u përpoq të ikte, por shpejt u kap dhe u dërgua në stacion të policisë”, thonë mes tjerash nga MPB.