Menaxheri i Manchester United, Ruben Amorim do të informojë ekipin e rekrutimit të klubit se nënshkrimi i një qendërmbrojtësi të ri nuk është një prioritet, pavarësisht largimeve të afërta të Jonny Evans dhe Victor Lindelof.

Sipas mediumit The Sun, Amorim beson se skuadra aktuale është e mjaftueshme për të mbuluar pozicionin e qendrës së mbrojtjes.

Reds kanë një sërë opsionesh në mbrojtje, duke përfshirë Leny Yoro, Lisandro Martinez, Harry Maguire, Matthijs de Ligt dhe Noussair Mazraoui, të cilët mund të luajnë si qendërmbrojtës.

Për më tepër, 18-vjeçari Ayden Heaven, i nënshkruar nga Arsenali në janar, pritet të marrë përsipër përgjegjësi më të mëdha në sezonin 2025/26 pasi bëri përshtypje në kohën e tij të shkurtër në klub.

Kështu, trajneri portugez synon të përforcoj pozitat tjera në fushë, me theks të veçantë mesfushën dhe qendrën e sulmit. /Telegrafi/