Në Teatrin e Kombëtar të Operës e Baletit është mbajtur mbrëmjen e së shtunës performanca nga “K’cimi i Tropojës” që është në listën e Trashëgimisë Kulturore.

Teksa ka ndarë fotot e koncertit, MinistrI i Ekonomisë, Kulturës dhe Inovacionit, Blendi Gonxhja thotë se ky është një moment krenarie.

“Mbrëmje magjike në TKOBAP, ku festuam K’cimin e Tropojës në listën e Trashëgimisë Kulturore Jomateriale të Njerëzimit në UNESCO, me performanca magjepsëse nga bartës të kësaj tradite

ndër breza, bashkëpunime artistike me grupe folklorike dhe muzikantë të njohur të Tropojës, së bashku me Ansamblin Kombëtar të Këngëve dhe Valleve Popullore”, shkruan Gonxhja.