Mbrëmë rreth orës 22:20 në SPB Shkup është raportuar se në rrugën rajonale Draçevë-Katllanovë, në territorin e fshatit Moranë të Shkupit, një veturë “Volkswagen Bora” me targa të Shkupit, e drejtuar nga S.J. (27) nga fshati Studeniçan, ka goditur një shtyllë reflektuese në rrugë, gardhin mbrojtës dhe më pas një shtyllë elektrike, e cila ka rënë mbi veturë.

Si pasojë e plagëve të marra, drejtuesi i automjetit ka ndërruar jetë në vendin e ngjarjes dhe mjeku i Ndihmës së Shpejtë ka konstatuar vdekjen.

Ndërsa pasagjeri i tij, Xh.T. (22) nga Studeniçani, ka pësuar lëndime të rënda trupore, të cilat janë konstatuar në Spitalin e Përgjithshëm të Qytetit “Shën Naum Ohër” në Shkup.

Me urdhër të prokurorit publik, trupi i të ndjerit është dërguar për autopsi, ndërsa në vendngjarje ka kryer ekspertizë një ekip i SPB Shkup.