Të paktën 15 persona kanë mbetur të plagosur në Kiev, kryeqytetin e Ukrainës pas një sulmi masiv të kryer nga Ushtria Ruse.

Forcat ajrore të Ukrainës thanë se Rusia lëshoi 250 dronë dhe 14 raketa balistike, një ndër sulmet më të rënda ndaj kryeqytetit që prej nisjes së luftës. Kievi zyrtar tha se forcat e tyre  kanë rrëzuar 6 raketa dhe 245 nga dronët e lëshuar, por megjithatë disa prej tyre kanë shkaktuar zjarr dhe shkatërrime në ndërtesa banimi dhe biznese. Pamje nga vendoshjet e sulmuara treguan makina të djegura, rrënoja  dhe kaos nërrugët e Kievit.

Presidenti Volodymyr Zelensky, përmes një postimi në rrjetin social X, e përshkroi natën si “të vështirë”, duke shtuar se “me çdo sulm të tillë, bota bindet gjithnjë e më shumë se shkaku i zgjatjes së luftës qëndron në Moskë.”

Një nga banoret e Kievit , 64-vjeçarja Olha Chyrukha, tha për Associatet Presss se do te donte qe palet  të binin dakord për armëpushim. Të bombardosh njerëz kështu – fëmijët e gjorë. Mbesa ime trevjeçare po bërtiste nga frika.”

Sulmi ndodhi vetëm disa orë pasi Rusia dhe Ukraina realizuan një shkëmbim të të burgosurve, i ndërmjetësuar në Turqi. Megjithatë, Zelensky ka theksuar se vetëm “sanksione shtesë kundër sektorëve kyç të ekonomisë ruse” mund ta detyrojnë Moskën të pranojë një armëpushim.