I famshmi Jonathan Ive, ose ndryshe Jony Ive, një dizajner britanik që ka kontribuar në krijimin e disa produkte të Apple si iPod, iPhone, iMac e iPad, është bashkuar me OpenAI. Bashkëpunimi mes dyshes Sam Altman dhe Jony Ive, konfirmohet nga vetë kompania OpenAI, përmes një postimi në platformën “X”. Në këtë video jepet një përshkrim i bashkimit të tyre e ideve inovative, teksa sqarohet se prej 2 vitesh ata kanë punuar së bashku. Altman po blen startup-in e Ive, “io”, në vlerën rreth 6.5 miliardë dollarë. Sipas kreut të OpenAI, së bashku do të përpiqen të krijojnë një brez të ri kompjuterësh, me bazën nga inteligjenca artificiale.

Në një njoftim nga kompania, nga ky bashkëpunim, Ive do të dizajnojë “io”, pajisjet më të reja që do të hyjnë në të ardhme në funksion si kompjuterët më inteligjentë, për shkak të AI-së.

Për shkak se njoftimi nuk na dha shumë detaje, ne pyetëm ChatGPT lidhur me “io”, duke na sqaruar se do të jetë një pajisje e vogël, pa ekran dhe e aftë për të kuptuar nevojat e përdoruesit. Sipas ChatGPT, “io” nuk do të jetë si një pajisje telefonike apo syze “smart”, por në një formë krejtësisht të ndryshëm e ndërveprimit me teknologjinë. Nëse do përpiqeshim të imagjinonim se si do të jenë këto pajisje, mendja mund të na shkojë tek produktet e Disney e Nickelodeon, të cilat dukeshin gjithnjë të veçanta por jo reale. Pritet që kjo pajisje e re të dalë në treg në vitin 2026. Mbetet për t’u parë sa do të jetë vlera e kësaj pajisje të vogël, pasi me këto përshkrime nuk besohet të jetë një çmim i ulët.