Tre vajza që besohet se janë vrarë nga babai i tyre u gjetën të lidhura me shirit lidhës plastik dhe me qese mbi kokë në një zonë të largët të shtetit Washington, sipas dokumenteve gjyqësore të siguruara të mërkurën, shkruan Nbcnews, përcjell Gazeta Online Reporteri.net.

Një ekzaminim paraprak përfundoi se vajzat, të moshave 5, 8 dhe 9 vjeç, ka të ngjarë të kenë vdekur nga asfiksia, sipas një deklarate nën betim që mbështet urdhrin e arrestit për babain e tyre, Travis Decker.

Një autopsi e plotë pritet të publikohet të enjten, tha Sherifi i Qarkut Chelan, Mike Morrison, në një konferencë për shtyp të mërkurën në mbrëmje, duke theksuar se vajzat janë një “forcë motivuese për ne” në kërkimin për Decker.

Decker, 32 vjeç, është i kërkuar për akuza për vrasje të shkallës së parë dhe rrëmbim. Shërbimi i Marshalëve të SHBA-së të mërkurën shpalli një shpërblim prej 20,000 dollarësh për informacion që çon në kapjen e tij.

Veterani i ushtrisë nuk njihet të jetë i armatosur, por zyrtarët thanë se duhet konsideruar si të rrezikshëm.

Sipas deklaratës nën betim, ish-bashkëshortja e Decker kontaktoi fillimisht autoritetet javën e kaluar kur ai nuk i ktheu vajzat pas një vizite dhe nuk i përgjigjej thirrjeve të saj telefonike.

Çifti kishte qenë i martuar për shtatë vjet, por ishin divorcuar përmes një procesi që ish-bashkëshortja e Decker e përshkroi si civil, thuhet në deklaratë, por që e cilësoi si bashkëpunues atë, dhe se theksoi se nuk kishte pasur probleme për t’i kthyer vajzat sërish tek ajo gjatë vizitave.

/Reporteri.net/