Arkeologët kanë frikë të hapin varrin 2,200-vjeçar të perandorit të parë të Kinës, Qin Shi Huang.

Varri i Qin Shu Huang, i cili sundoi nga viti 221 para Krishtit deri në vitin 210 para Krishtit, ruhet nga një ushtri prej terrakote ushtarësh dhe kuajsh. Zbulimi u gjet nga fermerë në vitin 1974 në provincën Shaanxi të Kinës.

Ndërsa arkeologët eksploruan zonën, ata kurrë nuk e kanë hapur vetë varrin – dhe me një arsye të fortë.

Sipas IFL Science, arkeologët jo vetëm që besojnë se do të shkaktojë dëme, por ka zëra për kurthe vdekjeprurëse me mina që mund të vrasin ndërhyrës kuriozë.

Shkrimet e historianit kinez Sima Qian, 100 vjet pas vdekjes së Qin Shu Huang, pohojnë se “U ndërtuan pallate dhe kulla piktoreske për njëqind zyrtarë dhe varri u mbush me objekte të rralla dhe thesare të mrekullueshme”.

Ai vazhdoi: “Zejtarët u urdhëruan të bënin harqe dhe shigjeta të përgatitura për të qëlluar këdo që hynte në varr. Merkuri u përdor për të simuluar njëqind lumenjtë, lumin Jance dhe të Verdhë, si dhe detin e madh, dhe u vunë në lëvizje mekanikisht.”

Edhe nëse ato harqe të supozuara dështuan mijëra vjet më vonë, ende ekziston frika se zhiva e lëngshme do të depërtonte nëpër të çara.

“Merkuri shumë i paqëndrueshëm mund të dalë përmes çarjeve, të cilat janë zhvilluar në strukturë me kalimin e kohës, dhe hetimi ynë mbështet të dhënat e kronikave të lashta mbi varrin, i cili besohet se nuk është hapur/plaçkitur kurrë”, sugjeron një punim i vitit 2020 , sipas botimit.

Shkencëtarët thuhet se kanë luajtur me idenë e përdorimit të teknikave jo-invazive për të hapur varrin, megjithatë, ato ende nuk kanë arritur rezultate.