LAJM I MADH PËR VOLEJBOLLIN KËRÇOVAR
Dy volejbollistet e reja nga KV “Uskana”, pjesë e përfaqësueses së Maqedonisë U-16Dy talentet e reja të volejbollit kërçovar, Sara Alimi dhe Erjona Arsllani, janë ftuar nga përfaqësuesja e Maqedonisë U-16 për të marrë pjesë në fazën përgatitore për Kampionatin Ballkanik – BVA.
Të dyja vajzat, të lindura në vitin 2010 dhe pjesë e kategorisë së pionereve, janë dalluar këtë sezon me paraqitjet e tyre mbresëlënëse në fushë. Faza përgatitore do të zhvillohet në Shkup nga data 12 deri më 18 qershor, ndërsa më pas ato do të jenë pjesë e ekipit përfaqësues të Maqedonisë U-16 në Kampionatin Ballkanik, i cili do të mbahet në Mal të Zi nga 19 deri më 23 qershor.
Nga KV “Uskana” shprehen krenarë për këtë arritje dhe theksojnë se stafi i trajnerëve beson fuqishëm se Sara dhe Erjona do të japin maksimumin në përfaqësim, duke dëshmuar se talenti dhe puna e palodhur shpërblehen.