Më 12 qershor të vitit 1999 trupat e NATO-s u futën në territorin e çliruar të Kosovës.

Pas më shumë se dy muaj bombardimesh, trupat e NATO-s hynë në Kosovë me misionin paqeruajtës që do të quhej “Kosovo Force” (KFOR), duke i dhënë fund gjenocidit serb mbi popullsinë e pafajshme të shqiptarëve të Kosovës, shkruan atsh.

Kjo ditë erdhi si rezultat i një rezistence të kahershme të burrave dhe të grave të Kosovës dhe që kulmoi me krijimin e UÇK-së.

Recently Spotted Asteroid Set for Near Miss With EarthKeep Watching

Bombardimet e NATO-s kundër ushtrisë dhe policisë serbe në Kosovë, kishin nisur që në 24 mars të vitit 1999. Këto bombardime zgjaten 78 ditë. Si rezultat i tyre, Sllobodan Millosheviç, “Kasapi i Ballkanit”, si u quajt edhe nga mediat e huaja, shpalli në Kumanovë kapitullimin e plotë të Serbisë.

Kjo luftë i shkaktoi Kosovës qindra dhe mijëra të vrarë apo të zhdukur, si dhe shkatërrimin në masë të fshatrave, banesave nëpër qytete e deri në shkatërrimin e shumë vlerave të trashëgimisë kulturore, siç ishte Çarshia e Gjakovës, shtëpia dhe Memoriali i Lidhjes Shqiptare të Prizrenit etj.

Pavarësia e Kosovës u shpall më 17 shkurt 2008. Sot Republika e Kosovës aspiron për t’u bërë pjesë e BE-së dhe NATO-s.