Një zëdhënës i ushtrisë izraelite thotë se Izraeli ka “arritur kontroll të plotë ajror mbi Teheranin.”

“Ne kemi shkatërruar një të tretën e bazave të raketave tokë-tokë të regjimit iranian,” tha gjithashtu Brigadieri i Përgjithshëm Effie Defrin gjatë një konferencë për media.

Effie Defrin i Forcave të Mbrojtjes së Izraelit (IDF), i cili thotë se ushtria izraelite ka shkatërruar mbi 120 lansues raketash – një të tretën e numrit total që posedon Irani – që nga fillimi i sulmit të parë javën e kaluar.

Defrin thotë se forca ajrore shkatërroi mbi 20 lansues vetëm natën e kaluar, “disa minuta para” se të përdoren për të dërguar raketa drejt Izraelit.

Ai thotë se Izraeli gjithashtu ka nisur një valë sulmesh duke goditur rreth 100 objektiva ushtarakë në Isfahan, në qendër të Iranit, duke përdorur rreth 50 avionë luftarakë për të goditur depot e raketave, lansuesit dhe qendrat e komandës.

Ndërkohë mediat raportojnë se Izraeli ka nisur një sulm të ri në perëndim të Iranit.

Agjencia e lajmeve Tasnim, e lidhur me Gardën Revolucionare Iraniane (IRGC), thotë se Izraeli ka “sulmuar në mënyrë brutale ndërtesën e zjarrfikësve në komunën Musiyan” në provincën Ilam, pranë kufirit me Irakun. Po ashtu raportohet se janë rrëzuar dronë.

Ndërkohë, agjencia e lajmeve Fars, gjithashtu e lidhur me IRGC, raportoi se një spital është goditur.