Nisma qytetare Më Mirë për Tetovën i kundërshton ashpër ndryshimet e propozuara në Kodin Zgjedhor, të cilat rrisin në mënyrë drastike numrin e nënshkrimeve për pjesëmarrje në zgjedhje. Ata thonë se partitë politike në vend që të garojnë me ide të reja si ta përmirësojnë jetën e qytetarëve, ata ndërhyjnë në Kodin Zgjedhor, për të vështirësuar pjesëmarrjen në zgjedhje kandidatëve të pavarur, raporton Portalb.mk.
Propmozim-ligji që mban nënshkrimin e VMRO, LSDM, ZNAM dhe VLEN , rrit ndjeshëm numrin e nënshkrimeve për pjesëmarrje në zgjedhje dhe mbyll derën kandidatëve të pavarur në shumë komuna.
Agron Arifi nga MMPT tha se ironia më e madhe është se aty qëndron nënshkrimi i deputetit Bekim Qoku që deklarohet se përfaqëson Vetëvendosjen, subjekt i cili ka lindur nga aktivizmi qytetar, kurse ai me nënshkrimin e tij i ka shpallur luftë aktivizmit dhe është integruar plotësisht në mendësinë e mbrapsht të partive politike.
Ata thonë se apostrofuan Qokun në veçanti sepse është shqiptari i vetëm i nënshkruar në këtë propozim-ligj ku nuk figuron as gjuha shqipe.
“Mendoj se si përfaqësues i Vetëvendosjes ka bërë gabim shumë të madh duke vënë nënshkrim për një ligj i cili është kundër aktivizmit qytetar. Gjatë gjithë kësaj periudhe që ai është si deputet në parlamentin e Maqedonisë, kemi parë se ai as v nga Vetëvendosja nuk ka, mund të ketë më shumë v nga VMRO-ja”, tha Arifi.
Ata shtojnë se ky propozim ligj tentohet të miratohet me procedurë të shkurtuar, pa debat publik, pa transparencë edhe pse u anulua vetëm një muaj më parë nga Gjykata Kushtetuese, kurse tani rikthehet në version edhe më të rëndë.
Ata shtuan se ndryshimet e reja janë përpjekje për t’i fshirë zërat e pavarur nga harta politike.
“Kjo është luftë për të drejtën e çdo qytetari për të kandiduar dhe për të zgjedhur lirshëm. Për krahasim, në shumicën e shteteve Evropiane nevojiten më pak se 200 nënshkrime për pjesëmarrje të kandidatëve të pavarur në zgjedhje, kurse tani propozohet që psh në Tetovë të grumbullohen 900 nënshkrime, gati sa për formimin e një partie politike. Ky propozim ligj është një goditje e drejtpërdrejtë ndaj vlerave demokratike dhe Evropiane”, tha Arifi.
Ata kërkojnë që:
“Ne nuk tërhiqemi. Do të vazhdojmë të luftojmë për zgjedhje të drejta dhe për zërin e pavarur të qytetarëve”, përfunduan nga Më Mirë për Tetovën.
Të pyetur nëse do të garojnë në zgjedhjet lokale, ata thanë se do ta shqyrtojnë dhe se me këtë propozim ligj vështirësohet pjesëmarrja e tyre në zgjedhje.
Ndryshe, Gjykata Kushtetuese më 20 maj njoftoi se ka shfuqizuar nenet e Kodit Zgjedhor që rrisnin kuotat e nënshkrimeve të qytetarëve që kandidatët dhe listat e pavarura që planifikonin të merrnin pjesë në zgjedhje duhej të mblidhnin. Korpusi i ndryshimeve në Kodin Zgjedhor, përfshirë këto, u miratua në mars të vitit të kaluar, në pritje të zgjedhjeve presidenciale dhe parlamentare të vitit të kaluar, dhe supozohej të zbatohej edhe për zgjedhjet lokale të këtij viti.
