BDI ka publikuar një video me titullin “1 vit pa dinjitet”, ku kritikon ashpër politikat shtetërore dhe qeveritare të këtij viti.

Në mesazhin e saj, partia akuzon Qeverinë se po e çon vendin drejt një izolimi të thellë ndërkombëtar, duke u afruar me, siç i quan, forca të errëta rajonale.

Sipas BDI-së, në vend të integrimit evropian, vendi po përballet me kthim pas dhe humbje të pozitës së tij ndërkombëtare.