Familjarë, të afërm, miq dhe mijëra qytetarë do t’i japin sot lamtumirën Diogo Zotës dhe vëllait të tij Andre, të cilët humbën jetën në orët e para të mëngjesit të së enjtes pas një aksidenti me makinë në Spanjën veriore.

Ceremonia mortore do të mbahet në Gondomar, në afërsi të Portos, vendit të tyre të origjinës.

Gruaja e futbollistit të ndjerë, Rute Cardoso

Sipas hetimeve paraprake, makina e Zotës doli nga korsia për shkak të një gome të shfryrë ndërsa përpiqej të parakalonte, duke bërë që ajo të përmbysej dhe të shpërthente në flakë.

Si pasojë humbi jetën Diogo Zota dhe vëllai i tij 25-vjeçar, André Silva.

Vetëm pak javë më parë, më 22 qershor, Zota ishte martuar me të dashurën e tij të fëmijërisë, Rute Cardoso, me të cilën kishte tre fëmijë. Çifti kishte qenë bashkë që nga adoleshenca.

Identifikimi i trupave u bë kur prindërit dhe gruaja e Jotës shkuan në Institutin e Mjekësisë Ligjore në Zamora të Spanjës.

Ata identifikuan sendet personale të dy vëllezërve.

Diogo Jota dhe André Silva u larguan së bashku. Dhe futbolli mban zi për një humbje të dyfishtë, njerëzore, të thellë, të paimagjinueshme./vizionplus.tv