Nga MPB njoftojnë se gjatë ditëve të fundjavës së kaluar (05./06.07.2025), nëpunësit policorë kanë shqiptuar 1336 gjoba në të gjithë territorin e vendit.

Siç njofton MPB-ja, 212 kundërvajtje kanë të bëjnë me vozitësit që kanë marrë pjesë në komunikacion pa patentë shoferi. Në të njëjtën kohë, 121 vozitës kanë drejtuar nën ndikimin e alkoolit, ndërsa 106 vozitës motoçikletash janë sanksionuar për mosmbajtjen e helmetës mbrojtëse.

Sipas MPB-së, 168 kundërvajtje gjatë fundjavës kanë të bëjnë me mosrespektimin e shpejtësisë së përshkruar të lëvizjes, 173 për parkim të parregullt, ndërsa 100 persona janë gjobitur për shkak se nuk kanë përdorur rripin e sigurisë.

“Janë shqiptuar 39 sanksione për përdorimin e telefonit celular gjatë vozitjes, 15 masa për kalim në sinjalin e kuq, ndërsa sanksione kundërvajtëse morën edhe katër këmbësorë edhe dy vozitës të trotinetëve elektrikë. Gjithashtu, në përputhje me Ligjin për automjete, 42 automjete u mënjanuan nga komunikacioni për shkak se ishin të paregjistruara, ndërsa vetëm një automjet për shkak të parregullsisë teknike”, informon MPB-ja.