​​​​​​Forca ajrore e Ukrainës ka raportuar një numër rekord të sulmeve ajrore nga Rusia, duke njoftuar se gjatë një vale të fundit agresioni, 728 dronë dhe 13 raketa janë hedhur mbi territorin ukrainas, të mërkurën.

Sipas një postimi në Telegram, ushtria ukrainase ka bërë të ditur se sistemet e saj të mbrojtjes ajrore kanë shkatërruar 718 dronë dhe shtatë raketa, duke shmangur dëme edhe më të mëdha.

Lajmi është konfirmuar edhe nga agjencia ndërkombëtare e lajmeve Reuters, që citon burime ushtarake nga Ukraina.

Sulmet vijnë në kohën kur Rusia ka intensifikuar fushatën e saj ajrore, ndërsa Presidenti ukrainas Volodymyr Zelensky vijon thirrjet ndaj Perëndimit për më shumë ndihmë ushtarake.

Zelensky ka kërkuar vazhdimisht nga aleatët perëndimorë që t’i dhurojnë më shumë armatim të mbrojtjes ajrore vendit të tij.

Pak disa ditëve u raportua se Pentagoni do të ndalë disa dërgesa armësh, por presidenti amerikan ka dalë me deklaratë të re, duke premtuar dhjetë raketa të sistemit “Patriot” për Kievin – lëvizje që shihet si ndryshim në pozicionin e SHBA-së ndaj luftës në Ukrainë.